عارفة عبد الرسول تعتذر من زملائها بعد السخرية: حقكم على راسي وأنا في شدة الألم
تقدمت الفنانة عارفة عبد الرسول، باعتذار من نجوم عرض مسرحي مصري، بعدما نشرت سابقاً منشوراً ساخراً كشفت فيه عن تعرضها لعدة أزمات صحية بنفس يوم دعوتها لحضور المسرحية وإلقاء كلمة عقب الختام، وأكدت أنها لم تكن تقصد السخرية منهم وما كتبته كان مجرد دعابة، وألمح البعض إلى أن العرض المقصود هو “الحفيد” للنجمة لوسي وتامر فرج، علماً أن الأخير أشّر بنفسه إلى تعرض كل نجوم المسرحية لإصابات مفاجئة.
وكتبت عارفة عبد الرسول، عبر حسابها الشخصي بموقع الفيس بوك: أنا حزينة وفي شدة الألم.. عارفين البوست اللي كتبته عن المسرحية المحسودة والإسهال ومش عارف إيه.. زملائي زعلوا منه جداً وافتكروا إنّي بيتريق على المسرحية اللي لسه ماشوفتهاش.. أنا آسفة جداً حقكم على راسي من فوق.
وتابعت عارفة عبد الرسول: أصلاً النية خير ومفيش أبداً اللي يخليني أتكلم وحش عن العرض.. أنا لسه ماشوفتوش.. آسفة بجد إن النكتة أو الإيفيه ما وصلش بالمعنى اللطيف ووصل بالشكل ده.. آسفة ولما آجي أحضر هعتذر لفرد فرد.. أنا مش هاشيل البوست لسببين.
واختتمت حديثها قائلة: ماتعودتش أقول كلمة وأرجع فيها.. ثانياً: يمكن أصحابي يشوفوه تاني ويحاولوا يلاقوا النكتة اللي قلبت غم.. آسفة في غاية الأسف.
وكانت عارفة عبد الرسول، تلقت دعوة من أحد أصدقائها لحضور العرض المسرحي، ولكنها علقت على الدعوة بطريقة ساخرة قائلة: ما اعتقدت في الحسد عشان ما حطش في بالي واتعب، وفي نفس الوقت أحافظ على صحتي النفسية.. كمان بحب أصحابي وبحب الناس وطبيعي معظم أصحابي ليهم علاقه بالميديا.. ألاقي صديق يدعيني لعرض مسرحي.. لو عندي وقت بروح وأنا عارفة إنّي اتزنق لمدة ساعتين في عرض ممل وطبعاً احتفالاً بيا بيقعدوني صف أول بتدبس.. وطبعاً بيطلبوا مني أقول حاجة عن العرض ومتوقعين إشادة.. أقعد أدوّر في دماغى على حاجة أقولها من غير ما أطبل.
تابعت قائلة: زميل مخرج عمل مسرحية بطلها زميل ممثل.. الاتنين.. الممثل كل شويه يكتب بوست عن مصايب بتحصل في العرض وبيقول محسودين.. أنا أضحك وأقول ليه يعني بتعملوا كوفاديس.. دعاني المخرج وماقولتش للممثل عشان أعمله مفاجأة.. استحميت ولبست وحطيت برفان لزوم الأحضان وباتلفت أحط حاجتي في الشنطة إلا يا خويا حالة إسهال مش مفهومة ومش مبررة.. قعدت شويه يمكن.. أخيراً اعتذرت عن الحضور.. زميلي الممثل قال لازم نكسر العين بنت الـ.. دي.. ضحكت وقولت آه محسودين خالص بقى.
وسبق أن أكد تامر فرج نجم مسرحية الحفيد تعرض كل نجوم العرض ومخرجه لإصابات مختلفة قبل بدء الموسم الثاني، وقال عبر حسابه بموقع الفيس بوك: شوفي يا لوسي انتي دراعك مكسور ومكملة، وأنا ضهري مفتوح وعندي انزلاق غضروفي ومكمل، والمخرج طلعله خراج ومكمل، وكل الأبطال ماشاء الله محتاجين علاج طبيعي ومكملين عشان نبسطكم ونعرضلكم النهارده وكل خميس وجمعة و سبت وحد الساعه ٩ مساء مسرحية #الحفيد على المسرح القومي فمستنينكم عشان تشوفوا العرض اللي تقريباً هنسميه قريب المستشفى الأميري أو مستشفى المبرة.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
